Hakiu, Bertina dhe Seldi janë përzgjedhur për të zhvilluar provën e kësaj jave. Banorët kanë përgatitur nga një histori me titujt e filmave shqiptarë. Hakiu është ai që do ta interpretojë këtë histori. Ai lexon plot ndjenjë dhe emocione ngjarjen e krijuar nga grupi i tij dhe në sfond e shoqëron një muzikë e qetë. Publiku duartroket fort në përfundim të interpretimit, ndërsa Arbana e komplimenton atë dhe grupin dhe thotë se kanë krijuar një histori mjaft të bukur, plot fantazi e cila ka përcjellë shumë emocione tek të gjithë. Ajo thotë se Vëllai i Madh do të vlerësojë si interpretimin, ashtu edhe fantazinë e shprehur. Në studio vjen zarfi i bardhë i cili përmban vendimin e Vëllait të Madh për provën. Arbana u komunikon banorëve se e kanë kaluar këtë provë javore dhe se buxheti i tyre do të dyfishohet. Banorët kënaqen dhe gëzojnë për fitoren e tyre.