Banorët e rinj diskutojnë me Hakiun, Erionin dhe Bertinën se s’po menden të afrohen e të njihen me banorët e nominuar, disi edhe prej kushteve por edhe se ata u duken indiferentë. Ada shprehet se ka vënë re indiferentizëm tek Olta, ndërsa Rezarta tregon se natën e parë ka folur me Jetmirin ndërsa më pas vetëm përshëndetje. “Ne nuk mund t’i thërrasim, por kur të jetojmë bashkë mund të jetë më e thjeshtë”- thotë ajo. Hakiu mendon se u kanë mbetur edhe katër ditë dhe me aq sa kanë mundësi, duhet të përpiqen të njihen me ta. Kur vjen biseda për nominimet, ata thonë pikërisht se do ta kenë të vështirë, por Erioni mendon se nominimet duhet të bëhen brenda shtëpisë. “Edhe indiferenca tregon një pjesë të tipit të dikujt, njohje quhet”- shprehet Hakiu dhe këtë gjë e pohojnë edhe të tjerët.