Arbana u komunikon banorëve të nominuar se ka ardhur momenti që njëri prej tyre të lërë shtëpinë. Ajo i kërkon banorëve që të shkojnë në një tjetër ambient, në dhomën e rrezikut, një dhomë e kuqe e komode. Aty të gjashtë banorët, pasi akomodohen, shohin në monitor një klip tëpërgatitur për ta ku shfaqen opinionet për javën që kanë kaluar në nominim dhe se si e kanë përjetuar atë ata vetë apo dhe të tjerët ku përgjithësisht shprehen se nominimi nuk ka ndikuar tek sjellja e tyre. Arbana u komunikon dy banorët e parë të cilët shpëtojnë nga eleminimi dhe që janë domenika dhe Seldi. Ata largohen nga dhoma dhe shkojnë në dhomën e ndenjjes ku bashkë me të tjerët shohin një tjetër klip, atë ku kanë shprehur mendimet për banorët e tjerë në nominim, ku spikat një opinion dhe marrëdhënie e mirë mes Jetmirit dhe Edit, ndërsa të tjerët shprehin kryesisht opinionet negative për të tjerët. Duket sikur një pjesë e banorëve nuk i priste këto opinione, si përshembull Olta e cila nuk priste nga Domenika ato fjalë, por shprehet se do ketë mundësinë të sqarohet nëse qëndron në shtëpi. Banorët kapen për duarsh dhe Arbana vazhdon me komunikimin se banorët që shpëtojnë janë Edi dhe Miri dhe ndërmjet Oltës dhe Renatos, banori që duhet të lërë shtëpinë është Renato. Ai përshëndetet me Oltën dhe shkon në zonën e tunelit ku del nga shtëpia si i eleminuari i radhës.