Tatiana tregon për jetën e saj e pyetur nga Seldi. Ajo tregon se babai nuk i jeton më, kurse me të ëmën nuk ka një rapor ttë mirë, nga fakti se e ëma nuk e ka afruar shumë dhe se nuk është tip i dashur apo që ta shprehë dashurinë, ndryshe nga nënat shqiptare, sipas saj. Tatiana thotë se ka edhe një motër të cilën e ka njohur vitet e fundit sepse e ka marrë vesh vonë që kishte një motër. Ajo tregon se motra kishte ndjenjën e xhelozisë ndaj saj, në lidhje me dashurinë e të atit, por tani janë afruar edhe pse nuk kanë shumë konfidenca me njera-tjetrën. Olta e pyet në lidhje me familjen e ish të dashurit shqiptar dhe Tatiana thotë se ruan ende marrëdhënie shumë të mira dhe se ata gjithnjë e kanë trajtuar si vajzën e tyre, madje dhe me ish të dashurin vazhdojnë të takohen e tani janë si motër e vëlla me njeri-tjetrin. Ajo rrëfen mënyrën e njohjes me të, se është lidhur që 13vjece dhe se ende e do shumë, madje ai akoma i kërkon që të martohen, por edhe pse ajo e sheh jetën sëbashku me të, nuk i pëlqen që të martohet. Sipas saj, fakti që ai nuk e dinte mirë italishten, e detyroi atë që të mësonte shqipen.
Në të njëjtën kohë, edhe Manal flet për jetën e saj me Klodin dhe Domenikën. Ajo tregon dicka për historinë e Jordanisë, kulturën, turizmin dhe ndryshimet apo të përbashkëtat me zakonet shqiptare.